Партиите на Баша и Круемади најавија посилна опозиција
Опозициската Демократска партја (ДП) на Љуљзим Баша и Движењето за социјалистичка партија (ЛСИ) на Моника Круемади најавија силна опозција, постигнувајќи го првиот договор.
Двете партии се согласиле една од парламентарните комисии, кои им припаѓаат на демократите, да и ја отстапат на ЛСИ, чиј поранешен лидер беше Илир Мета.
- На средбата на лидерката на ЛСИ, Моника Круемади со потпретседателот на ДП Едмонд Спахо, кој воедно е координатор на пратеничката група на оваа партија, била постигната согласност парламентарната комисија за здравство да и прпадне на ЛСИ. Така, наместо Бард Спахиу, претседател на комисијата ќе биде Петрит Васили, кој во еден период во претходната влада на Рама беше министер за здравство, пишува електронското издание на весникот „Панорама“.
Останатите две комисии одредени за опозицијата, онаа за евроинтеграција и таа за медиуми, ќе ги раководат демократите Генц Поло и Албана Вокши.
Партијата Движење за социјалистичка интеграција, која во тоа време ја раководеше Илир Мета, сопруг на Круемади, а сега шеф на албанската држава, беше дел од владата „Рама1“. На изборите од 25 јуни настапи самостојно, освен за изборна единица Корча, каде беше во коалиција со Македонска алијанса за европска интеграција - МАЕИ.
Ново на Сител
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори
-
Променливо време со дожд и во наредните денови