Пакистанските власти со необично барање до Фејсбук и Твитер
Пакистанскиот министер за внатрешни работи, Чаудри Нисар Али Кан испрати свои претставници во седиштата на Фејсбук и Твитер, кои од социјалните мрежи побарале соработка во истрагата против 11 лица, пакистански државјани, чиешто однесување „се коси во учењето на Пророкот“.
Полицијата сака да ги приведе осомничените коишто ги објавувале „еретичките статуси“, а за кои се верува дека живеат вон Пакистан, со тоа што ќе се покрене барање за нивно испорачување, штом точно им се утврди идентитетот.
Како што пренесува Би-Би-Си, од Фејсбук изразиле подготвеност за соработка, но во склоп на своите правила за заштита на правата и приватноста на своите корисници. Твитер одби каква било инволвираност во случајот.
Социјалните мрежи често служат како алатка за организација и координација на протести насекаде низ светот, поради што во некои земји и се забранети.
Пакистанските власти уште во 2010 година им се заканија на своите граѓани со укинување на Фејсбук, оти таму секојдневно се објавуваат карикатури на Мухамед и други навредливи содржини.
Според постојните пакистански закони, секој кој ќе го навреди исламот или пророкот Мухамед, подлежи на строги казни, па дури и смртна казна.
Ново на Сител
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана
-
Денеска средба Ердоган – Мицотакис во Анкара
-
Променливо облачно и сончево, попладне услови за дожд и грмежи