Отворена прва градинка во општина Врапчиште
Во општина Врапчиште денеска беше отворена првата јавна детска градинка „Пранвера”. Во градинката, којашто ќе функционира во основното училиште во село Врапчиште, ќе бидат згрижени педесетина деца од турска и албанска етничка заедница, а во иднина и повеќе зависно од потребите. Отворени се и пет работни места.
На свеченоста присуствуваа министерот за образование и наука Абдилаќим Адеми, градоначалникот на Врапќиште Бајрам Кадрија и постојаниот претставник на УНДП во Република Македонија Луиза Винтон.
Министерот Адеми нагласи дека градинката е дел од владиниот проект за згрижување и поддршка на децата од руралните средини и спроведување на надлежностите кои се опафатени со децентрализацијата.
- Статистиката покажува дека 20 проценти од децата се згрижени во предшколски установи, што е под европскиот просек. Со овие активности сакаме да ја подобриме и сликата и при тоа да ги задоволиме потребите во руралните средини каде што децата се нерамноправи во споредба со нивните врсници од градовите, рече министерот Адеми.
Пред извесно време, истакна Адеми, е донесен и владин заклучок за адаптрирање и отварање градинки и во поголемите села како Градец и Неготино Полошко.
Градоначалникот на Кадрија се заблагодари за поддршката во реализацијата не барањето на жителите на едно од најголемите села во општината и подвлече дека покрај државната поддршка, отварањето на градинката го помогнаа и локални бизнисмени.
Отварањето на градинката во Врапчиште е дел од поширок проект со кој се опфатени 16 општини во Македонија и згрижување на 2.500 деца.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп