Османи и Димитров во Брисел ќе реферираат за напредокот на Македонија
Вицепремиерот за европски прашања Бујар Османи и министерот за надворешни работи Никола Димитров престојуваат во дводневна работна посета на Брисел каде ќе реферираат за напредокот на Македонија во спроведувањето на реформите за европска интеграција.
Во тек на посетата, информираат од СЕП и МНР, вицепремиерот Османи и министерот Димитров ќе имаат средба со високата претставничка за надворешни работи и безбедносна политика на ЕУ, Федерика Могерини, како и со еврокомесарот за соседска политика и проширување, Јоханес Хан. На средбите ќе се разговара за новите можности на евроинтегративните процеси на Република Македонија, кредибилноста на процесот на проширување на Унијата, а ќе бидат отворени и темите за регионалните предизвици во контекст на соработката на земјите од Западен Балкан.
Во рамки на посетата на Брисел, вицепремиерот Османи ќе учествува и на работниот појадок на министрите за надворешни работи на земјите членки на ЕУ, организиран под покровителство на постојаните претставници на Шведска и Бугарија во ЕУ, каде заедно со министерот Димитров ќе реферираат за напредокот на Македонија во спроведувањето на реформите за европска интеграција, како и за останатите активности во насока на европските амбиции на земјата.
Вицепремиерот Османи ќе има и свое обраќање пред независниот тинк тенк институт, Европски центар за политика (ЕПЦ), на тема, „Планот 3-6-9: понатамошно унапредување на процесот на интеграција на Македонија во ЕУ“, а ќе оствари средба и со директорката за Западен Балкан во ГД НЕАР, Геновева Руиз Калавера.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација