Општина Штип го заврши проектот „ Вмрежување на Мултимедијални центри во прекуграничните регони-Креатива“
Општина Штип доби нов Мултимедијален центар, а бугарската општина Гоце Делчев реконструирано Народно читалиште преку Програмата за меѓугранична соработка Македонија-Бугарија, која е финансирана од Фондовите на ЕУ, истакна на денешната завршна прес-конференција градоначалникот на Штип, Илчо Захариев.
Проектот„ Вмрежување на Мултимедијални центри во прекуграничните регони-Креатива“ е со вредност од 484.302 евра. Штипскиот градоначалник потенцираше дека општината максимално го поддржа проектот со кофинансирање од 190.000 евра.
Новиот Мултимедијален центар е лоциран на местото на старото Летно Кино во Штип, а во него ќе биде сместен Кластерот за креативна индустрија на Источно планскиот регион, канцелариите на Центарот за развој на источно планскиот регион, а има и конференциска сала, како и сала за културно-уметничнки настани.
- Преку овој проект не само што добивме два објекти Штип и Гоце Делчев, значи добивањето на пари преку Фондовите на ЕУ се едната димензија, а за да ги земе тие пари од ЕУ фондовите моравме да направивме добри проекти. Со изградбата на двата објекти оставаме и трајни вредности за идните генерации. Најважно е што преку овој проект добивме и пријатели, со кои ќе аплицираме на нови проекти и на следниот повик, рече Захариев.
Градоначалникот на бугарската Општина Гоце Делчев, Владимир Москов на денешната прес-конференција најави дека добрата соработка со Штип ќе продолжи во изготовка на нови проекти, со кои ќе аплицираат до ЕУ фондовите. Според него функцијата на еден градоначалник и на општинската администрација е да реализираат проекти кои се од интерес за граѓаните.
Општина Штип проектот „Вмрежување на Мултимедијални центри во прекуграничните региони – Креатива“ го реализираше заедно со Центарот за развој на Источно планскиот регион(ИПР). Директорката на Центарот за ИПР, Драгица Здравева рече дека Мултимедијалниот центар во Штип ќе има регионален карактер, а градежната компанија Актива веќе го има изградено објектот и работи на уредување на просторот околу него, со што се очекува до крајот на годината центарот да биде и комплетно завршен и свечено отворен.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка