Општина Кочани се вклучи во проектот „Планински велосипедски рај“
Општината Кочани преку Источниот плански регион ќе се вклучи во проектот „Планински велосипедски рај“ со кој се предвидува изградба на пешачки и велосипедски патеки, како и реконструкција на стар објект и адаптација во планинарски дом на терените на Пониква на Осоговските планини.
Единицата за спроведување на проектот за локална и регионална конкурентност финансиран со грант од Европската унија го објави Повикот за изразување на интерес за Инвестиции на под-грантови во инфраструктура поврзана со туризмот.
- Како баратели ќе кофинансираме 10% од износот на побараниот под-грант, во парични или непарични средства. Центарот за развој на Источниот плански регион во партнерство со општина Кочани аплицира за овие средства со проектот „Планински велосипедски рај“ со кој се предвидува изградба на пешачки и велосипедски патеки, како и реконструкција на стар објект и адаптација во планинарски дом и паркиралиште на Пониква. Проектот „Планински велосипедски рај ќе започнува од браната Градче, преку планинските предели на селото Јастребник и Осоговските планини се до Пониква во должина од 35 км. Општина Кочани се обврзува да обезбеди кофинансирање во износ од близу 75.000 евра, што е 5,87% од вкупната вредност на под-грантот кој изнесува 1.276.317 евра, изјави Ратко Димитровски, градоначалник на општина Кочани.
Со изградбата на пешаки и велосипедски патеки, како и со адаптацијата на зграда во планинарски дом и доуредување на паркинг просторот на Пониква, овој дел од Осоговските планини ќе биде подостапен до туристите и љубителите на планинските спортови.
Ново на Сител
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати