Нов еротски роман од „Антолог“
„Растењето на Лулу“ од шпанската писателка Алмудена Грандес е новиот еротски роман кој го објави издавачката куќа „Антолог“ од Скопје.
Книгата ја доби наградата „Вертикална насмевка“ за еротска проза, а култниот шпански режисер Бигас Луна во 1990 година сними филм според него. Емили Л. Бергман го нарече овој роман „пробив на еротизмот во женското писмо“.
Овој интензивен еротски ракопис ги претставува сексуалното будење и авантурите на Марија Луиза, млада девојка чие семејство ја вика Лулу. Како ученичка ја заведува постариот Пабло, инаку пријател на нејзиниот брат. Подоцна, се среќаваат кога таа заминува на факултет. Тој сега е професор и ја бара својата студентка за жена, постепено воведувајќи ја во различни и необични искуства.
Алмудена Грандес студирала географија и историја. Во своите книги зборува за шпанскиот народ во последната четвртина од XX век и во првите години од XXI век. Нејзините дела имаат добиено многу награди и повеќето доживеале филмска екранизација.
Книгата е објавена со поддршка на програмата „Креативна Европа“ на Европската Унија. Преводот на македонски е на Огнена Никуљски.
Ново на Сител
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност