Ријека во шампионска форма

Лидерот на табелата во хрватското фудбалско првенство ФК Ријека потврди дека е подготвена за напад на шампионската титула  откако одлично ги одработи а подготовките во Португалија, а македонските репрезентативци Стефан Ристовски и Леонард Жута веќе се закитија со пехар во 2017 година.

 

Со победа во финалето од 3:0 против Јаблонец, лидерот во хрватското првенство го освои Атлантик купот. Ристовски, кој е прогласен за најдобар десен бек во Хрватска играше цел меч, додека Жута остана на теренот 85 минути, пред да биде заменет.

 

Во ХНЛ напролет ќе се бие жестока битка за шампионската круна, а Риека ќе стартува од пол-позицијата, во обидот да се урне страшната доминација на главниот конкурент Динамо загреб. Популарните „модри“ 11 пати по ред се прваци на Хрватска, но имаат 6 бода помалку од Ристовски, Жута и соиграчите, пред стартот на пролетниот дел на шампионатот.