Министерот Павлески на Економскиот форум за Западен Балкан во Минхен
Многу германски компании веќе ги препознаа и ги искористија инвестициските можности што ги нуди Македонија како идеална локација со најповолни фискални, даночни и оперативни можности кои ги подобруваат економиите на компаниите, правејќи ги поконкурентни и попрофитабилни на глобалниот пазар, истакна министерот за странски инвестиции Бил Павлески на Економскиот форум за земјите од Западен Балкан во Минхен.
Како главен говорник на настанот, откако ја претстави македонската економија, Павлески нагласи дека повеќе германски компании се веќе присутни во земјава со свои производствени капацитети и се најголеми работодавци кои отвораат нови работни места.
Република Македонија, рече, е растечка европска економија и втора најдобро рангирана во областа за почнување бизнис во светот според извештајот Дуинг бизнис на Светската банка.
Министерот ги запозна присутните со економските политики и инвестициските можности, осврнувајќи се на макроекономската стабилност, поволниот даночен систем, современите административни, регулаторните реформи и вложувањето на Владата во образованието и во активните мерки за зголемување на вештините на работната сила.
Се осврна и на глобалните бизнис трендови, како и на тековниот социјален, политички и економски развој во Западен Балкан во контекст на релевантните предизвици во ЕУ и нејзиното соседство, со акцент на нивното влијание на конкурентноста на германските компании на глобалниот пазар.
На Форумот учествуваа околу 150 претставници од стопанството и политиката од Баварија и Западен Балкан. Го отворија министерот за европски прашања и односи на регионално ниво Беате Мерк и претстедателот на Стопанската комора за Минхен и горна Баварија Еберхард Засе.
Форумот го организира Државната канцеларија на Баварија, Министерството за економија, медиуми, енергија и технологија на Баварија и Баварската индустриска и трговска комора, во соработка со амбасадите на земјите од Западен Балкан.
За време на работната посета на Баварија во чии рамки учествуваше на Економскиот форум, министерот Павлески ќе има и директни средби со менаџерите на неколку германски компании.
Баварија е еден од индустриски најразвиените делови на Германија и регион во кој дејствуваат огромен број компании од автомобилската, електронската и машинската индустрија кои би можеле да ја препознаат Македонија како инвестициска дестинација. Павлески ги повика германските бизнисмени да ја посетат Македонија и да ги искористат нејзините компаративни предности и да инвестираат.
Ново на Сител
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик