Фудбал
26. јуни 2017 - 9:38

КК: Следува пресметка Европа-Ј.Америка

Германија и Чиле од Б групата се пласираа во полуфиналето на Купот на Конфедерации чии домаќин е Русија.
 
Последното, трето коло го донесе расплетот во Б групата на Купот на Конфедерации. Германија со сигурна победа над Камерун го обезбеди првото место, а Чиле ремизираше против Австралија.
 
Германците слвеа со 3:1 во дуелот со Камерун. Демирбај во 48.минута го постигна првиот гол, а откако во 64.минута Камерун остана со играч помалку, Вернер зголеми на 2:0. Камерунците намалија преку Абубакар, а потоа Вернер со својот втор гол го постави конечниот резултат.
 
Австралија против Чиле бркаше победа со два гола разлика и по првиот дел водеше со голот на Троизи. Сепак Чиле успеа да израмни во вториот дел преку Мартин Родригез.
 
Првото полуфинале на програмата е во среда, а ќе играат Португалија и Чиле, додека ден подцна во второто полуфинале Германија ќе се сретне со Мексико.