Најмалку четворица загинати, а 119 повредени при напад врз Германскиот конзулат во Авганистан
Четири лица загинаа, а 119 се повредени во синоќешниот самоубиствен напад со автомобил-бомба извршен врз Германскиот конзулат во Мазар и Шариф, главниот град на авганистанската провинција Балх, соопшти полицијата.
Портпаролот на германското Министерство за надворешни работи изјави дека 25 лица од персоналот на Конзулатот се безбедни и оти никој не настрадал во нападот. Тој додаде дека Конзулатот претрепел „сериозни штети“.
- Авганистанските безбедносни сили и германското обезбедување, како и припадници на НАТО го одбија нападот на тешко вооружените напаѓачи, истакна портпаролот на германското Министерство за надворешни работи.
Според ДПА бомбаш-самоубиец со автомобил полн со експлозив удрил во оградата на Конзулатот. И портпаролот на НАТО изјави дека во нападот бил употребен еден автомобил-бомба, додека според очевидците имало два автомобила. Според локалната полиција по експлозијата неутврден број талибанци навлегле во дворот на Германскиот конзулат.
Одговорност за нападот ја презедоа талибанците, наведувајќи дека тоа е одмазда за 30 убиени цивили во американскитте воздушни напади во Кундуз пред неколку дена.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ