На „Питијада 2017“ ќе се сече џиновската пастрмајлија
На манифестацијата „Питијада 2017“ во Велес денеска ќе се сече џиновската пастрмајлија подготвена од велешките пекари.
Според програмата, сечењето на пастрмајлијата долга речиси четири метри, требаше да биде вчера, но се откажа поради дождот.
Пастрмајлијата се подготвува од свинско и овчо или козјо солено месо наречено пастрма, а одозгора се полева со јајца. Во Велес овој специјалитет се прави од 1862 година или точно 155 години. Низ годините пастрмајлијата ја подготвувале велешките домаќинки и фурнаџии, а денес се подготвува и во велешките домаќинства.
Пастрмајлијата е вид бренд на велешките кафеани и ресторани и бренд на Велес по кој градот е познат не само во Македонија, туку и пошироко на Балканот.
Годинашната 14. „Питијада 2017“ почна завчера со богата музичка програма, а вчера концерт одржа мега ѕвездата од поранешните југословенски простори Здравко Чолиќ.
За заокружување на манифестацијата, вечер ќе настапи култната „Рибља чорба“.
Организатор на „Питијадата 2017“ е Општина Велес.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево