На големиот празник ограбен манастирот Света Богородица Балаклија во Делчево
Ноќеска во Делчево е осквернавен манастирот „Света Богородица Балаклија“. Спроти празникот Источен петок или Балаклија, крадци во манастирот искршиле еден прозорец и украле ситни пари, како и иконата на Свети Јован Кристител.
Чуварот на манастирот Љупчо Ристов, сведочи дека утрово кога дошол во манастирот видел дека повторно манастирот бил мета на крадци и веднаш ја повикал полицијата.
-Јас кога дојдов утрово, забалежав дека е скршен прозорецот до вратата, а вратата не е разбиена, но разбиени се внатре во манастирот касите, каде имаше ситни пари, и повторно е украдена иконата на Свети Јован Крстител. И пред две години, исто така, ја украдоа оваа икона. Таа икона е позлатена, но нема некоја голема вредност. Не знам по што се лакомат, само штета да направат, еве на овој убав ден кој е празник на манастирот, овој чин е за секоја осуда, рече Ристов.
Од СВР Штип го потврдуваат настанот. Информираат дека полицијата била на лице место и направила увид, но потенцираат дека има и осомничено лице, а е пронајдена и украдената икона.
Живописниот делчевски манастир „Света Богородица Балаклија“ е возобновен пред 17 години и според вековната традиција, овде на овој ден се собираат голем број верници кои палат свеќи за здравје и се замиваат од изворот за кој има верување дека е лековит.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување