МЗ спроведува активности по повод Светската недела на доењето
Министерството за здравство во соработка со Клиниката за детски болести, Здравствен дом Скопје, Заводот за здравствена заштита на мајките и децата, како и останатите јавни здравствени установи реализираат повеќе активности по повод Светската недела на доењето под мотото „Доењето основа на животот“, која традиционално се одбележува од денеска до 7 август.
За таа цел, информираат од Министерството, годинава се отпечатени брошури и постери за бремени жени на македонски и албански јазик за важноста на доењето, воспоставување на доењето и знаци на успешно доење, по што ќе следи нивна дистрибуција преку патронажните сестри, матичните гинеколози и породилиштата. Исто така, во тек е дистрибуција на постери и флаери за важноста на доењето, преку превентивните служби, породилишта и детски болници, со цел жените уште во текот на бременост да ги добијат потребните информации.
Во рамки на програмата на Министерството за здравство за активна здравствена заштита на мајките и децата, како што се посочува, во континуитет се реализираат обуки за здравствени работници (патронажни сестри, педијатри, неонатолози, медицински сестри) на актуелни теми поврзани со доењето, како што се: правилно воспоставување на доењето, справување со најчестите проблеми при доење, како и важноста на психосоцијалната поддршка на доилките.
По повод одбележување на Светската неделата за доење, на Клиниката за детски болести ќе се дистрибуираат брошури, постери и флаери, а воедно ќе бидат организирани и предавања за придобивките и предизвиците на доењето. Во рамки на предавањата, мајките ќе имаат можност да ги споделат своите искуства и ќе се дискутира за предноста и бенефитот на мајчиното млеко. На почеток на следната недела е предвидено и предавање за медицинските сестри, во делот на обезбедување помош при доењето, а воедно ќе бидат презентирани и протоколите за доење за специфични пациенти (прематурни новороденчиња, деца со хипотонија и деца со расцеп на непце).
Исто така, во организација на Здравствен дом Скопје, во соработка со невладиниот сектор е реализирана работилница за патронажни сестри, посветена на „Значењето на доењето за раниот детски развој, вештини на комуникација при советување за доење и поддршка за успешно воспоставување и одржување на доењето“, на која учествуваа патронажни сестри од целата држава, информираат од Министерството за здравство.
Ново на Сител
-
Запленети над 400 метри рибарски мрежи за крап на Дебарско Езеро
-
Мотоциклист заврши во болница по судир со автомобил
-
Маж каснат од куче скитник во Скопје
-
Стоилковски: Преговарачкиот процес со коалициските партнери е во напредна фаза и се базира на принципи
-
Ѓоковиќ: Не сум меѓу фаворитите на Ролан Гарос
-
Стоилковски: На ТОАРИЛУЦ нема лифтови, се оперира на сопствен ризик
-
Претседателката Сиљановска Давкова во Рим оствари средба со претставници на македонската дијаспора
-
Столтенберг ги повика сојузниците во НАТО да ги укинат ограничувањата за употреба на западно оружје од Украина против цели во Русија