Муја од Белградската зоолошка градина е најстар алигатор во светот
Американскиот алигатор Муја, кој пристигнал во Зоолошката градина во Белград пред почетокот на Втората светска војна, се смета за најстариот алигатор во светот, кој живее во „заробеништво“.
Муја има над 80 години, но се уште има добар апетит и добро здравје.
Генерации на посетители на Зоолошката градина и понатаму доаѓаат да го гледаат алигаторот, иако тој веќе не се движи многу, освен за време на хранењето кога јаде глодари или птици.
Досега Муја имал само еден посериозен здравствен проблем кога поради гангрена во 2012 година му бил ампутиран дел од предната десна нога.
- Тој е во добра состојба и здрав, се храни добро и се надеваме дека така ќе остане уште многу години, истакна директорот на Зоолошката градина, Србољуб Алексиќ.
Муја во Белград пристигнал од Германија во август 1937 година и тогаш имал само две години, а за време на Втората светска војна ги преживеал бомбардирањата во 1941 и во 1945 година.
Ново на Сител
-
ССМ ги повикува работниците на протест по повод Меѓународниот ден на трудот 1 Мај
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО
-
Киев: Русија ја нападна енергетската инфраструктура во три украински региони
-
Десетици торнада го погодија централниот дел на САД