Миновски: Јанева и СЈО одлучија да одиграат пристрасно и политички
ВМРО-ДПМНЕ реагирајќи повторно на одлуката на Специјалното јавно обвинителство да го повлече обвинението за предметот „Пуч“ смета дека обвинителката Катица Јанева во овој случај се определила за Зоран Заев, а можела „да избира помеѓу професионалното и законско работење или помагањето и прикривањето на криминалот на нејзиниот штитеник Заев“.
- Катица Јанева во случајот „Пуч“ можеше да избира помеѓу застапување на доказите обезбедени преку признанието на сега осудениот Ѕвонко Костовски, скајп комуникацијата и писмото од Заев до Верушевски или да премине на другата страна и вторпат да аболицира лице кое во минатото стори и други кривични дела. Катица Јанева се откажа од правото и правдата и се определи за Заев. Катица Јанева и СЈО можеа да избираат помеѓу одговорноста за тоа за коешто се избрани и платени или целосно влегување во политичките игри на СДСМ и ставање во функција на аболицираниот Зоран Заев. Катица Јанева и СЈО одлучија да одиграат пристрасно и политички, изјави на прес-конференција Кирил Миновски, член на Извршниот комитет на ВМРО-ДПМНЕ.
Додаде дека во предметот „Пуч“ има бројни докази и дека тоа го знаат Катица Јанева и Зоран Заев, обвинителството за гонење дела од областа на организираниот криминал и советот кој одлучуваше за правосилност на обвинението.
- Зоран Заев е загазен во криминал и во судска постапка ќе се докажеше обвинението. Затоа Катица Јанева одлучи да се повлече и да го брани криминалот. Во спротивно, самиот Заев ќе бараше во судска постапка да се докаже неговата невиност. Специјалното јавно обвинителство е политички инструмент на СДСМ. СЈО нема ниту П од професионализам, а непристрасното постапување за нив е непозната именка. СЈО не е дораснато на задачата заради која е формирано и самото ја поништи основната причина за негово постоење, рече Миновски.
Ново на Сител
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници
-
Курти: Србија пропагира за насилство врз Србите во Косово, а фактите го кажуваат спротивното
-
Одлука за испраќање припадници на АРМ на вежби во Бугарија и Германија и во операција на НАТО во Косово
-
МВР: Лични документи може да се подигнат и утре
-
Кривична пријава за злоупотреба на службена положба и овластување
-
Истрага за недозволено држење оружје
-
Обид за кражба во простории на Општина Чаир каде се чувал изборен материјал