Балкан
12. July 2015 - 9:39

Министрите од еврозоната без договор за Грција, преговорите продолжуваат денеска

Министрите за финансии од еврозоната по деветчасовни преговори на вонредниот самит во Брисел вчера не постигнаа договор за доделување на нов пакет помош на Грција во замена за реформи. 

Состанокот што почна во саботата попладне заврши синоќа по полноќ и ќе биде продолжен денеска на пладне, додека најавената прес конференција е откажана. 

- Не успеавме да се согласиме, ќе продолжиме утре, изјави пред новинарите холандскиот министер и шеф на еврогрупата Јерун Дејселблум, додавајќи дека постои проблем со довербата во грчките власти.

Денеска попладне ќе биде одржан и вонреден самит на Европската унија, на кој ќе присуствуваат сите 28 земји членки. Состанокот е закажан откако Грција на референдум минатата недела одби да го прифати планот за штедење, како услов за доделување на финансиска помош од Европската централна банка и ММФ.