Меркел победи на изборите, но очекува тешки преговори за нова влада
Владејачкиот конзервативен блок на Христијанско демократската унија (ЦДУ) и Христијанската социјална унија (ЦСУ), предводен од германската канцеларка Ангела Меркел, победи на вчерашните парламентарни избори во Германија со освоени 33,9 отсто гласови, покажуваат прелиминарните конечни резултати.
Како што јави ДПА, коалицискиот партнер на ЦДУ/ЦСУ, Социјалдемократската партија на Германија (СПД) на поранешниот претседател на Европскиот парламент, Мартин Шулц се пласира на второто место со освоени 20,5 проценти.
Најголем успех на изборите постигна екстремно десничарската партија Алтернатива за Германија (АФД), која доби 12,6 отсто од гласовите и првпат обезбеди мандати во Бундестагот.
Либералната Слободна демократска партија (ГДП) освои 10,7 проценти од гласовите, партијата Левица 9,2, алијансата Зелени 8,9 отсто. Ниту една од останатите партии не освои места во Бундестагот.
Меркел во првата изјава по објавувањето на резултатите, изјави дека не може да гарантира дека до крајот на годинава ќе успее да состави новата Влада, но ја исклучи можноста за формирање малцински кабинет.
На прашањето дали е можно да биде формирана малцинска влада, Меркел одговори дека „не размислува за тоа“, додавајќи дека има намера Германија да добие „стабилна влада“.
Меркел наведе дека очекува тешки преговори за составвуањето на новата германска влада.
Според прелиминарните податоци, своето право на глас го искористиле 75 отсто од гласачите.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп