Меркел и европски лидери ќе ја посетат Турција со цел примена на договорот за мигрантите
Германската канцеларка Ангела Меркел и високи претставници на ЕУ ќе ја посетат денеска турско-сириската граница во обид да ја поттикнат примената на спорниот договор потпишан пред еден месец, за справување со бегалската криза, што остави стотици илјади луѓе блокирани по мигрантската маршрута кон Европа.
Денешното патување до турскиот граничен град Газиантеп, што се очекува да вклучи посета на бегалски камп, е по повод потпишувањето на договорот од 20 март меѓу Турција и ЕУ за започнување депортација на мигранти, кои не одговараат на условите за добивање азил во Грција, обратно во Турција.
ЕУ вети шест милијарди евра помош на Турција во наредните четири години за обезбедување подобри услови и создавање на можности за околу 2,7 милиони сириски бегалци, кои живеат во Турција.
Еден месец по договорот, сепак, се уште малку експерти од ЕУ пристигнале на местото, а повеќе земји од Унијата не брзаат да примат уште кандидати за азил.
Во исто време, барањата на Турција за безвизно патување во ЕУ за турските државјани, предизвикаа дипломатски спорови.
Ново на Сител
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност
-
Почина таткото на Тоше, Никола Проески
-
Од утре до понеделник јавниот превоз во Скопје по неделен возен ред
-
Изречени 34 санкции за возење под дејство на алкохол на подрачје на СВР Битола