Мексико отфрла закани на Трамп за финансирање ѕид по границата меѓу двете држави

Мексиканскиот претседател Енрике Пења Нието изјави синоќа дека неговата држава нема да плаќа за ѕидот што новоизбраниот американски претседател Доналд Трамп има намера да го гради на границата меѓу двете држави.

– Очигледно е дека има несогласувања за прашањето со следното американска влада. Мексико нема да плаќа за изградба на таков ѕид, но сметаме дека имаме добри односи, изјави Пења Нието.

Според него, Мексико повеќе би инвестирал во безбедност по границата, но не во ѕид. Изјавата беше дадена по прес конференцијата на Трамп на кој тој повтори дека Мексико ќе го компензира градењето на ѕид меѓу двете држави „во една или друга форма“.