МАТТО: Нема ограничувања во економската соработка меѓу Македонија и Турција
Иако има перцепција дека економските активности се ограничени по прогласувањето на вонредната состојба во Турција, таа не влијае во секојдневниот живот на граѓаните, а уште помалку на економијата на Турција. Сите фабрики работат, нема никакви ограничувања при увоз и извоз, изјави Туна Ејуп Кахвеџи, претседател на Стопанската комора на Македонија - Турција (МАТТО).
МАТТО ја организираше прес-конференцијата со цел, како што рече Кахвеџи, да се добијат информации од прва рака за настаните во Турција по 15 јули зашто од недостиг на информации медиумите пласирале неточни или противречни.
На македонските фирми кои соработуваат или се партнери со компании од Турција, тој им порача дека состојбата во економската соработка е иста како и на 14 јули.
- Република Турција во 2016 со економски раст од 4,8 отсто е една од 10-те најразвиени земји во светот. Трговскиот обем меѓу Македонија и Турција во првите пет месеци од 2016 е поголем за 21,5 отсто во споредба со 2015 година. Овој обем е пораснат билатерално, за увоз и извоз за двете земји, истакна Кахвеџи.
Тој потврди дека туризмот е секторот што најмногу претрпел последици од новонастаната состојба, но нагласи дека Турција сега ќе биде побезбедна земја за туристите откако ќе се отстранат структурите кои биле инволвирани во обидот за државен удар.
- По отстранувањето на структурите од државниот поредок, Турција во блиска иднина ќе стане многу побезбедна држава. Турција во моментов нуди многу привлечни цени и целосна безбедност и затоа во оваа пригода им се обраќам на сите туристи да ја посетат Република Турција. Можам да кажам дека Турција во моментов е најатрактивна дестинација во Република Македонија, особено имајќи предвид дека се уште не е започнат приливот на руски туристи. Затоа, ги повикувам граѓаните на Република Македонија да патуваат во Република Турција, рече Кахвеџи.
Амбасадорот на Турција во Македонија Омур Шолендил за туризмот се осврна од безбедносен аспект и рече дека вонредна состојба има и во Франција, Белгија и Германија по извршените терористички напади.
- За да се спречат таквите активности, турските безбедносни органи ги преземаат сите потребни мерки. Во тој контекст, јас не гледам некоја посебна опасност од нормалните околности за безбедноста на туристите во Турција. За жал, ваквите настани се случуваат и во други европски земји кои, исто така, презедоа безбедносни мерки, рече Шолендил.
Тој истакна дека Македонија и Турција како две блиски и пријателски земји соработуваат во размена на безбедносни информации, како што соработуваат и во други области.
Ново на Сител
-
Две злата за Македонија на јуниорското Светско првенство во кикбокс
-
Организирал игри на среќа преку негова веб страница, уапсен тетовец
-
Охриѓанец ги следел и вознемирувал малолетните ќерки на неговата девојка
-
Скопјанец се самозадоволувал пред малолетнички во парк
-
Неделков: Членовите на СОНК нема да учествуваат на никакви партиски организирани протести
-
Ураганот Шаншан ја погоди источна Јапонија, најмалку шест загинати и стотина повредени
-
Од утре претежно стабилно, температурите повисоки за околу три степени
-
Починал мотоциклист во сообраќајна несреќа кај струмичко