Марк Гарсија избран за накорисен играч на ЕП за младинци

Шпанецот Марк Гарсија е избран за најкорисен играч (МВП) на Европското првенство за младинци (до 20 години) што вчера заврши во Финска.

Гарсија до признанието МВП стигна благодарение на оличниот настап не само во финалниот меч против Литванија на кој со 21 поени беше најефикасен играч, туку и со константно одличните игри во текот на целото првенство.

Воедно Гарсија беше избран и во „најдобрата петорка“ на на првенството заедно со репрезентативниот колега Франциско Алонсо, Литванецот Криступас Земаитис, Омер Јуртсевен од Турција и домашниот кошаркар Финецот, Лаури Марканен кој со просек од 24,9 поени по натпревар беше најефикасниот кошаркар на првенството.