Манчевски: Значителен напредок кај министерствата за поголема транспарентност и отчетност
Има значителен напредок од голем број министерства и ќе направиме дополнителна проверка да видиме кој уште нема објавено од листата на документи за поголема транспарентност и отчетност на државните органи и ќе се заложиме за тоа, изјави денеска министерот за информатичко општество и администрација Дамјан Манчевски.
Министерот Манчевски претходно предложи сет од 21 документи што Министерствата требаше да го објават во рок од 15 дена на своите веб-страници, како што се плановите за јавни набавки, Правилникот за внатрешна организација, Правилникот за систематизацијата на работните места и списокот на вработените. Сетот документи се унифицирани и важат за сите министерства со исклучок на Министерството за одбрана и МВР.
Прашан што доколку некои Министерства не ги објават документите, по завршување на рокот, Манчевски рече дека тоа се документи што согласно закон требало и до сега да бидат објавени.
-Ќе ги објавиме јавно и јас ќе ги повикам од прес-конфернеција. Ќе бидат ставени пред јавноста дека се тип на инстутуции што не ги објавуваат документите. Мислам дека мора да воведеме и друг вид на култура, каде јавноста ќе биде најголем контролор на инстутуциите. Другата опција е да пратиме инспекции, ама не секогаш и тоа функционира, изјави Манчевски.
Ново на Сител
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово