Лајчак: ЕУ заслужува вистинска дијагноза
Словачкиот министер за надворешни работи Мирослав Лајчак од денешниот самит на ЕУ во Братислава очекува дека ќе започне процес на идентификација на проблемите во Унијата и да се дефинира какви земји-членки сака блокот да вгради од европското семејство по заминувањето на Велика Британија .
- Одговорот не може да се најде во негирање на проблемите и одложување на лекувањето. Европа заслужува вистинска дијагноза. Очекувам и уверен сум дека на денешниот неформален самит во Братислава ќе започне процес на идентификација на проблемите во Унијата и да се дефинира какви земји-членки сака да гради по заминувањето на Велика Британија од европското семејство, истакна Лајчек во авторскиот текст за подгоричкиот весник „Побједа“.
Тој додава дека фокусот треба да биде на оние прашања кои најмногу се однесуваат на Европејците.
- Безбедност во сите свои облици - јакнење на економската безбедност, заштита на работните места, социјална безбедност, внатрешна безбедност од тероризам, како и климатска безбедност. Фокус ќе бидат и миграциите - како да се управува со нив на одржлив и долгорочен начин, нагласи шефот на словачката дипломатија.
Според него, собирот посебно ќе се осврне на јазот во комуникацијата меѓу институциите и граѓаните на ЕУ, особено на младите луѓе.
- Искрено се надевам дека самитот во Братислава ќе и вдахне живот на новата, самосвесна, јасна визија на се уште обединетата Европа, заклучува Лајчак.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево