Курц: Ќе бидат потребни најмалку 30 години за да се распределат бегалците во ЕУ
Ќе бидат неопходни повеќе од 30 години за да се распределат бегалците во земјите на Европската унија, ако се задржи темпото на распоредување, изјави австрискиот министер за надворешни работи Себастијан Курц, во интервјуто за грчкиот весник „Прото тема“.
До моментов, во програмата за релокација се вклучени околу 5.600, од вкупно 160 илјади лица кои чекаат.
Австрискиот министер за надворешни работи наведе дека Грција постигнала сериозен напредок во справувањето со бегалската криза, а грижата за околу 60 илјади мигранти не е „лесна работа“.
- Оваа година Австрија даде два милиони евра на Високиот комесаријат на ОН за бегалци, како хумaнитарна помош за Грција. Заедно со тоа и помага на Грција со специјалисти во рамките на Европската канцеларија за поддршка на азил (ЕАСО) и европската гранична агенција Фронтекс, посочува Курц.
Според него, најголем предизвик во моментов е да се забрза процедурата за давење на азил.
По повод затворањето на балканската рута за бегалците во почетокот на годинава, што тој прв го заговараше, австрискиот министер забележува дека тоа ја покажало можноста одделни држави да соработуваат во справувањето со бегалската криза.
- Тие мерки, заедно со договорт меѓу ЕУ и Турција, доведоа до остра пад на бројот на нелегални мигранти и бегалци кои пристигнаа во ЕУ. Тоа спречи многу повеќе луѓе да си го ризикуваат животот, преминувајќи преку Средоземното Море, забележа Курц.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд