„Кредит Свис“ и „ХСБЦ“ ги отфрлија претпоставките за соучесништво во даночни измами
Две од најголемите институции за управување на финансиите во светот, „Кредит Свис“ и Ејч-Ес-Би-Си (ХСБЦ), денеска ги отфрлија претпоставките дека активно користеле офшор структури, со цел да им помогнат на своите клиенти во извршување даночни измами.
Реакцијата доаѓа еден ден по објавените документи на панамската адвокатска фирма „Мосак Фонсека“, која во период од 40 години им помагала, во услови на целосна неказнивост, на своите клиенти да перат пари и да не плаќаат даноци.
Француската финансиска инспекција соопшти дека започнува истрага за даночни измами, со што ќе бидат опфатени француски државјани, кои не плаќале даноци.
Регулаторот на финансискиот пазар во Швајцарија (ФИНМА), исто така, соопшти дека ќе започне истрага како реакција на објавените „Панамски документи“, во кои се споменуваат швајцарски банки со офшор зделки со богати и влијателни клиенти.
Австралиската даночна служба наведува дека истражува над 800 богати Австралијци за евентуално избегнување на даноци, поврзано со „Мосак Фонсека“.
Индија, исто така, ги испитува тврдењата дека над 500 Индијци, меѓу кои актери од Боливуд, индустријалци и политичари, ја користеле панамската адвокатска фирма, со цел да ги прикријат финансиските средства.
„Панамските документи“, кои покриваат период од околу 40 години, меѓу 1977 и 2005 година, ќе бидат под истрага и од властите на Панама.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот