Катар го најави прелиминарниот извештај од истрагата за кибер-нападите во КНА

Катар ги најави прелиминарните резултати од истрагата за кибер-нападите во државната информативна агенција КНА, кои станаа причина за спорот со неговите тројца соседи од Заливот и со Египет, без притоа да ги идентификува извршителите. 

Во синоќешното соопштение на катарското Министерство за внатрешни работи се посочува дека кибер-нападите започнале во април, еден месец пред да бидат објавени спорните изјави на емитор Тамим бин Хамад Ал Тани. 

Меѓу објавените изјави, кои се препишуваат на емирот, се и палестинското исламско движење Хамас, кои е претставено како „легитимен претставник на палестинскиот народ“ и шиитски Иран, опишан како стратешки сојузник во регинот. 

Екипите кои ја водат истрагата потврдија дека кибер-нападите се извршени со најнови технички средства и оти хакерите искористиле „пукнатини“ во системот на агенцијата, наведе катарското МВР. 

Претходно Катар соопшти дека при истрагата му помага Федералното истражно биро (ФБИ), а во прелиминарниот извештај се открива да во истрагата работат и британски експерти. 

Телевизијата „Си-Ен-Ен“ јави дека кибер-нападите биле извршени од страна на руски хакери.