Иванов: Останувам на одлуката, кој сака да биде изземен нека поднесе барање во писмена форма

И по сите реакции како и тогаш, така и сега цврсто сум убеден дека ваквата одлука ќе помогне за надминување на политичката криза и намалување на тензиите меѓу политичките противници. Свесен сум за одговорноста која ја презедов и внимателно ги проследив и анализирав сите реакции. Сметам дека одлуката го штити исклучиво државниот интерес и информирам дека останувам на истата.

Ова на денешната прес конференција го истакна претседателот на Република Македонија Ѓорге Иванов.

-Повторувам, секој оној кој смета дека сум му одземал право, сторил лоша услуга или својата невиност сака да ја докаже на суд, го повикувам лично во писмена форма да поднесе барање за поништување на одлуката која се однесува на него, дециден е Иванов.