Ирма предизвика поплави во Мајами, собори и градежен кран

Ураганот Ирма, кој достигна категорија од четврти степен денеска ја погоди Флорида, при што предизвика поплави во Мајами.

Улиците на Мајами се полнат со вода, а меѓу поплавените се финасиската и станбена област Бриквел авенија, како и Еџвотер.

Претходно под ударот на ветровите се урна кран на висококатница во изградба.

Градските власти ги предупредија жителите дека се урнал кран на висококатница во изградба на булеварот 300 Бискејн и побараа од нив да ја избегнуваат таа област.

Ураганот Ирма претходнпо денеска ги зеде првите жртви на Флорида, каде најмалку три лица загинаа, јави Еј-Би-Си Њуз.

Истовремено 1,1 милион жители на оваа американска сојузна држава останаа без струја.

Еден маж во округот Моро загинал кога ја загубил контролата врз камионот, со кој превезувал генератор, соопштија локалните власти.

Уште две лица загинаа во сообраќајна несреќа во округот Харди, на патот на кој имало поројни врнежи, соопшти патролната служба на автопатиштата на Флорида.

Биланост на загинатите во налетот на Ирма на Карибите достигна најмалку 25 лица.

Ударите на ветрот во јужните делови на Флорида се од 160 до 215 километри на час, зависно од локацијата. Околу сто илјади лица одлучиле бурата да ја пречекаат во своите домови и во засолништата.