Груевски: Со грантови од 10.000 евра ќе се поддржуваат младите земјоделци до 40 години

-Ќе продолжиме исто така да ги поддржуваме и младите земјоделци кои што за прв пат започнуваат бизнис во земјоделие, со 10.000 евра гранд како почетна поддршка да му се помогне на секој млад земјоделец до 40 години кој прв пат почнува да работи во земјоделие, изјави лидерот на ВМРО-ДПМНЕ и носител во ИЕ 4 Никола Груевски.

-Дополнително за млад земјоделец носител на семејно земјоделско стопанство ќе бидат обезбедени за 10 проценти повисоки директни плаќања во однос на останатите категории корисници, а развојните проекти кои се поднесуваат за програмите за рурален развој и ипарт од страна на земјоделци помлади од 40 години ќе бидат привилегирани во процесот на рангирање при изборот, потенцираше Груевски.

Тој исто така истакна дека земјоделците ќе бидат поддржани во спроведувањето на агро хемиски или педолошки анализи со покривање на 70 проценти од трошоците за анализа на почвата или до максимални 9.000 денари.

-Ако некој сака да му се провери земјата, хемискиот состав, квалитетот, во смисла на тоа каков род треба да се насади и за каков производ таа земја е најповолна, трошоците ќе бидат покриени до 70 проценти, рече Груевски.