Груевски: Борбата за слободна Македонија и денес е исто жива и силна како пред 123 години
Лидерот на ВМРО-ДПМНЕ, Никола Груевски, по повод државниот празник 23 Октомври - Денот на Mакедонската револуционерна борба, упати честитка до граѓаните на Република Македонија.
- Пред точно 123 години беше поставен темелот на македонската организирана борба за слобода и сопствена татковина. Оваа искра речиси цел еден век ја распламтуваше борбата на народот во Македонија од Илинденската епопеја, преку НОБ и АСНОМ, до 8-ми септември. Идејата на македонската револуционерна организација го разбуди и го одржуваше стремежот за слободна и независна татковина Македонија, се вели во честитката од Груевски.
Организацијата, како што се наведува, беше сенародно движење кое ги мобилизираше Македонците, но и сиот народ во Македонија до остварувањето на најправедната и вековна цел, слободна и независна македонска држава.
- За овој идеал илјадници синови и ќерки на Македонија ги положија своите животи. Нивниот сон денес е остварен, но идејата и аманетот на Организацијата го носиме се уште во нас, подвлекува Груевски во честитката.
Како што Организацијата ги обедини сите под бајракот на слободата, потенцира Груевски, така и денес треба да останеме сплотени, да останеме решителни и одлучни да го чуваме делото на Татарчев, Груев, Поп Арсов, Хаџи-Николов, Димитров, Батанџиев, но и на плејадата знајни и незнајни херои од борбата за слободна Македонија.
- Таа борба и денес е исто жива и силна како пред 123 години. Таа борба денес е борба за напредок, благосостојба, нови работни места, повисок стандард, подобро здравство, современо земјоделство, модерно образование и подобра иднина. Нека ни е честит 23-ти октомври, Денот на македонската револуционерна борба. Нека е вечна идејата на Македонската Револуционерна Организација. Нека е вечна Република Македонија, вели во честитката Груевски.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд