Го извади мевот во преден план: Еве каде Аца Лукас се сонча среде зима

Фолк пејачот Аца Лукас моментално се одмара во Дубаи, и како многу од познатите личности среде зима побегна во топлите краишта.

Тој тренд го испочитува и фолкерот, кој во морската авантура ја поведе и сопругата Соња, ќерката Викторија и пасторката Софија.

Лукас во повеќе наврати зборуваше дека му е мачно да оди во теретана, а тоа го докажа и кога се соблече на плажа и го покажа големиот мев.

Очигледно на пејачот му пречело кога на плажата видел згодни мажи со плочки на стомакот, па се пофали со снимка како наместо тегови ја крева ќерката Викторија додека се сончаат на плажа.

Лукас семејството го сместил во еден од најлуксузните хотели на самиот брег, кој има целосен комфорт, од спа центар до базен и комплетни кулинарски услуги.

Вуксановиќ со денови се одмара на лежалките, се бања и сонча, а вечерите му се резервирани за одење по ресторани и шетање низ градот.