„Газпром“ би можел да ги зголеми инвестициите во „Турски поток“
Енергетскиот гигант „Газпром“ во текот на оваа години би можел да ги зголеми инвестициите во проектот за изградба на гасоводот „Турски поток“ за дополнителни 50 милијарди рубљи (720 милиони евра), соопшти денеска руската компанија.
Ваквата одлука е донесена на денешното заседание на Советот на директори на „Газпром“, на кое се расправало за инвестициската програма на компанијата за 2017 година.
Претходно беше предвидено во текот на оваа година, „Газпром“ во проектот „Турски поток“ да инвестира 41,92 милијарди рубљи (600 милиони евра).
Проектот „Турски поток“ предвидува изградба на гасовод од рускиот црноморски брег, преку дното на Црното Море до северозападниот дел на Турција. Гасоводот треба да има морска траса во должина од 910 километри и копнена траса од 180 километри на турска територија.
Предвидено е гасоводот да има две линии, од кои едната ќе биде наменета за дистрибуција на гас за поторшувачите во Турција, а втората за потенцијалните корисници во Јужна и Југоистична Европа.
„Турски поток“ треба да биде со капацитет од 15,75 милијарди кубни метри годишно, а неговата изградба се проценува дека ќе чини 11,4 милијарди евра.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп