„Гардијан“: Балканот ќе му создава главоболки на Трамп
Состојбата на Балканот се заканува да прерасне во главоболка за надворешната политика на американскиот претседател Доналд Трамп, оценува лондонскиот весник „Гардијан“.
- Заборавете ги Кина и Блискиот Исток. Поранешна Југославија би можела да стане прва реална главоболка на надворешната политика на Трамп, наведува весникот.
„Гардијан“ проценува дека по кризниот период од 90-те години на минатиот век, Балканот сега повторно е соочен со криза,
- Се преиспитуваат границите, растат тензиите и повторно се споменува размената на територии како последен начин за спречување на насилството, истакнува лондонскиот весник.
Според „Гардијан“, дипломати проценуваат дека 2017 ќе биде „кошмарна година“ за Балканот, поради „претседателските избори во Србија, се поизвесните предвремени избори во Косово и поради загревањето за изборите во Босна и Херцеговина следната година“.
Весникот проценува дека тензии ќе предизвикаат првите обвиненија на Специјалниот суд за злосторства извршени од Ослободителната војска на Косово, како и заканите за референдум за независност на Република Српска од БиХ, кој „никогаш во целост не заздрави од војната“.
- Тука е и Црна Гора, која беше сериозно политички потресена минатата година кога Владата тврдеше дека руски институции се обидуваат да оркестрираат државен удар... А и Македонија, најјужната република од поранешна Југославија, која се труди да формира нова влада по политичката криза со етничките Албанци, додава „Гардијан“.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд