Филмските работници незадоволни од предлог буџетот за филм
Независни филмски автори и продуценти, слободни филмски работници денеска напладне протестираа пред Министерството за култура незадоволни од тоа што во предлог-буџетот за култура за следната година се кратат средствата наменети за филм.
Во нивниот проглас истакнаа дека насекаде во светот филмот и аудиовоиузелните уметности доживуваат експанзија, буџетите за филм постојано се зголемуваат, продукцијата е повеќекратно зголемена, нагласувајќи дека филмот е најуспешниот извозен културен производ на Македонија и дека меѓународниот успех на македонската култура во најголема мера му припаѓа на филмот.
- Во последниве две децении во Македонија се гради независната филмска продукција по европски терк и ние со забрзани чекори се интегрираме во европското филмско семејство. Кратењето на средствата за филм, во време кога државниот буџет и буџетот за култура се зголемуваат, а Агенцијата за филм се гуши во наследени долгови, значи директен удар кон и онака кревката македонска филмска продукција. Аргументациите дека и со помалку пари се прават добри филмови се точни, но само како исклучок, а не како правило. Аргументациите дека се давале пари, а филмовите биле лоши се точни, но за едни други времиња, во кои доделувањето на средствата многу често беше политичка одлука. Зарем не се боревме сите заедно против таквото општество?, наведуваат филмските работници во прогласот што беше прочитан Министерството за култура.
Тие бараат од Министерството да ја преиспита оваа одлука убедени, како што велат, дека при донесување на конечната одлука околу ставката во буџетот која се однесува на филмската дејност, ќе ги земат предвид сите фактори - европските искуства и стандарди, а најмногу од се тенденцијата за развој и напредок на македонската кинематографија, актуелните генерации филмски творци и оние кои доаѓаат
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции