Населението се снабдува со вода со четири цистерни распоредени низ градот, како и со приватни рачни пумпи и бунари.

Забраната за користење на водата беше воведена на 16 март кога беше забележано заматување на водата во изворот на Вардар, од каде се снабдува гостиварскиот водовод.

Со цел надминување на овој и на другите комунални проблеми, денеска во Гостивар е министерот за транспорт и врски Миле Јанакиески кој се среќава со градоначалникот Руфи Османи.

Во Гостиварско е и министерот за животна средина и просторно планирање Неџати Јакупи, кој ќе присуствува на почетокот на поставувањето цевководот на филтер станицата за прочистување на водата за пиење во село Здуње.