Вакцината за свински грип ќе се користи против сезонски грип
08.02.2010 - 18:46 |
Вакцината за свински грип на есен ќе се користи против сезонски грип. Се чека само официјална препорака од СЗО, велат од Бирото за лекови.
Од 105.000 дози колку што набави државата за заштита од пандемискиот вирус А Х1Н1 останаа околу 85.000 вакцини кои можат да се употребуваат до октомври 2011.
- Верувам дека тој со Х1Н1 ќе биде вметнат сега за календарската 2010/2011 година. Што значи тие вакцини ќе можат да се потрошат и да бидат бесплатни - вели м-р Илчо Захариев, директор на Бирото за лекови.
Според Захариев, многу земји како што се Германија, Србија Грција набавиле милионски количини вакцини против свински грип и доколку не ги употребат за нивно уништување ќе треба да платат по 5 евра од вакцина.
- Во делот на набавките настапувавме многу рационално и имавме наши проценки. Иако препораката беше да набавиме лекови за 25% од населението ние набавивме многу помалку количини што се покажа како исправна одлука - вели м-р Илчо Захариев, директор на Бирото за лекови.
Што се однесува до антивирусниот лек Тамифлу од набавените 125.000 кутии за возрасни останати се 115.000, кои можат да се користат до 2016 година.
Александар Динев
Македонија
|
Lazga so opaska
Da be svinski grip.Uste vo 80tite god vo Amerika e probano da se napravi vakov biznis ama ne uspeale.A zal mi e sto imame tolku dobra vlada a da ne znaat da vidat koga nesto e prevara. A ne mi e jasno zosto NOVINARITE vklucitelno i vie vo SITEL koj posebno go cenam im pravite reklami na SZO i na farmacevtskite kompanii? Da ne ve plakaat slucajno?
Коментирај