Клубот од Третата лига запад егзистира на работ на пропаст. Живурка без спонзор, со еднократна помош на поединци. Натпреварите наместо во Тетово ги играат во Брвеница, и тоа обезбедено како помош.

За да се овозможи клубот да продолжи да се натпреварува на пролет односно да плати за котизација и други тековни трошоци, се прави обид да собере некој денар со акцијата за зачленување.

Ваква акција била направена пред 10-тина години, кога се собрале 200 члена. Сега само 100-тина да се зачленат, ќе се соберат пари за подмирување на основните трошоци и така нема да се дозволи да клубот да пропадне, велат од управата.

И покрај потешкотиите, есеноска Љуботен се избори за второ место па оттаму и амбициите за пласман во Втората лига.

Александар Самарџиев