Тој во интервју за МТВ вели, младите сами да истражат кој се крие зад оваа операција.

- Јас би се обратил на македонската младина, да ја следи својата жед и својата страст за вистина и самите да направат истражувања за тоа кој се крие позади оваа операција, вели Паскали.

Според Паскали, целта на пропагандата која ја спроведува пред се СОРОС преку своите невладини организации е создавање на атмосфера во која народот треба да изгледа угнетен, а власта најголемо зло.

- Се користат најголемите органи на западните сили од британскиот Економист и различни ограноци на Сорос (финансиската моќ), до англо-американското разузнавање (Гласот на Америка) и главните контролори на интернетот (Гугл). Како и во повеќето други обоени револуции, сценариото е многу едноставно и многу примитивно. Целта, премиерот кој штотуку победи на изборите треба да се претстави како зло а народот како угнетен и како народ кој протестира, вели Паскали.
Паскали смета дека причините поради кои соросовите ограноци и опозицијата создаваат тензична атмосфера лежат во како што вели, успешната политика која години наназад ја води Македонија

- Премиерот Груевски имплементира политика на активна дипломатија и економска размена и трговија со секоја држава која е заинтересирана за такво нешто. Би издвоил неколку примери како енергетската политика за Јужниот Тек, Коридорот 8. Независноста и сувереноста се најважниот капитал кој Македонија мора да го брани, но некој не сака независна Македонија, која нема други сопственици и шефови додава Паскали.

Паскали на крајот потенцира дека во време кога политиката ги користи сите можни средства за манипулација со граѓаните, единствено што тие можат да сторат е да бидат разумни.

Александар Спасовски