Директорот Реџеп Селмани вели дека во случајот е нарушен дигнитетот на пациентката како и угледот на лекарската фела.

Останатата лекарка која исто така е на сликата е специјализантка и не е вработена во Ургентниот центар. Скандалозните слики веќе ги нема на Фејсбук како и бројните коментари кои следуваа за нив и ја згрозија јавноста.

- Јас денеска одлучив да го прекинам работниот однос на лекарката Маја Неделковска и понатаму следува постапка за нејзино трајно отстранување од Ургентниот центар. Да тоа е отказ но таа има осум дена рок да поднесе жалба до Управниот одбор, вели Реџеп Селмани, директор на Ургентен центар.

Во истрагата на случајот Селмани вели дека нема други инволвирани бидејќи сликите ги направила лекарката со нејзиниот мобилен телефон. Иако лекарката изразила жалење за настанот, според директорот на Ургентен нема оправдување за ваквата постапка.

- Вели тоа не го направиле намерно но нема компромис со ваквата работа, вели Селмани.

Според изјавата на министерот за здравство, оваа лекарка најверојатно ќе биде првата на која трајно ќе и биде одземена лиценцата за работа. Тоа го побарал Османи од Етичкиот комитет при лекарската комора, кои пак дури во петок ќе излезат со став за случајот.

- Како министер не можам, но како лекар побарав сериозно да биде разгледан случајот за да го вратиме угледот на останатите лекари кои ја губат довербата кај пациентите од вакви случаи, вели Османи.

Османи најави дека ќе ја побараат пациентката за да и понудат правна помош бидејќи се нарушени нејзините права како пациент. Директорот, на Ургентниот центар пак денеска имал средба со родител на пациентката која засега не најавил тужба.