- Без разлика кога била планирана и со кого требало да се сретне таму во состојба во која се наоѓа Охрид и целото охридско крајбрежје неговото место е меѓу и со граѓаните на Охрид. Од тие причини, Извршниот одбор на СДСМ донесе заклучок и го известивме градоначалникот Петрески под итно да ја прекине посетата на Австралија и веднаш да се врати во земјата, рече Црвенковски.

 

Градоначалникот Петрески денеска го известил Црвенковски дека тоа ќе го направи.

 

На новинарско прашање дали ќе побара оставка од градоначалникот Петрески, Црвенковски посочи дека имајќи предвид какви биле официјалните изјави на претставници на Владата вклучително и на премиерот дека има редовна состојба секој па и градоначалникот Петрески, како што рече, можел да заклучи дека спокојно може да замине во Австралија.

 

- Евентуална оставка на градоначалникот Петрески можеме да разгледуваме во пакет со оставка на Владата на Република Македонија, рече лидерот на СДСМ Бранко Црвенковски по лидерската средба.