Министерот за одбрана Зоран Коњановски денеска оствари средба со новиот амбасадор на Република Франција во Република Македонија, Жан-Клод Шлумбергер.

Под слоганот „Растеме заедно“ здружението „Ден на дрвото - засади ја својата иднина!“ денеска на вториот роденден од почетокот на акцијата ја почнува промотивната кампања за петтата акција за засадување на садници што ќе се оддржи последната недела од март.

Нацрт договорот на Бугарија за унапредување на добрососедските односи се анализира во Министерство за надворешни работи и во други институции кои може да дадат свое мислење, а потоа ќе излеземе со одреден став и реплика на предлогот.

На Македонија не и пречи зголемениот интерес на Европската Унија за разговорите за името бидејќи има конструктивен пристап и нема што да крие во овој спор, изјави денеска министерот за надворешни работи Антонио Милошоски пред седницата на собраниската Комисија за надворешна политика.

Жолтиот снег што, пред неколку дена, падна во Бугарија и на југот на Романија содржел „тешки метали“ и не е обоен со песок од Африка, како што на почетокот се тврдеше, соопштија медиумите во Софија.

Најмалку 40 луѓе загинаа, a над сто се повредени во два самоубиствени напади во пакистанскиот град Лахор, соопшти полицијата.

Седумдесет и двегодишен скопјанец починал вчера во Градска болница во Скопје откако претходно неговиот син го пронашол во дворот со повреда на тилот, информира скопската полиција.

Седумдесет и шестгодишна жена која пред два дена исчезнала од нејзиниот дом во селото Смилево, Демирхисарско, е најдена мртва во коритото на Стара река, информираше Министерството за внатрешни работи.