Димитров негира дека има нов предлог за името
Министерот за надворешни работи Никола Димитров вечерва изјави дека нема никаков нов предлог за името, туку дека на средбата во Брисел е утврдена интензивна динамика на консултации.
- Нема никаков нов предлог. Се се шпекулации. Она што е важно дека се утврди интезивна динамика да има средба и во јануари следната година. Местото сеуште не е утврдено, но се споменува Њујорк. Можеби ќе биде таму. Ќе има средба и во февруари, март.., истакна Димитров во гостувањето на „Ноќно студио“ на телевизија Телма.
Коментирајќи ја опцијата за отпочнување на претпристапни преговори и паралелно решавање на спорот со името, Димитров со став дека треба да се најде начин на зближување за сојузништво.
- Треба да продолжиме да ги убедуваме нашите пријатели во Грција дека ова не треба да биде пречка. Имаме и Времена спогодба и пресуда. Истовремено ние треба да разбереме дека зачленувањето во НАТО значи дека утре Грција треба да биде наш сојузник. Затоа мораме да најдеме начин овој процес да го искористиме во зближување како да бидеме сојузници, истакна Димитров.
Според него, настојувањето на Грција прво да се затвори проблемот со името, а потоа да се отвори вратата на Македонија кон ЕУ и НАТО, е стравот дека доколку се случи обратното, ние ќе најдеме начин да не ја надминеме разликата околу името.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции