„Дејли мејл“ платил 50.000 евра на сопственикот на парискиот ресторан за да ја добие снимката од нападот
За да ги добие снимките од видеоконтролата при терористичкиот напад, „Дејли мејл“ му платил 50.000 евра на сопственикот на „Каза ностра“, пренесува дописникот на МИА од Париз.
Оваа информација ја откри телевизиската емисија „Ле Пети Журнал“ на Канал плус, прикажувајќи репортажа снимена со скриена камера. На снимката се гледа како сопственикот на ресторанот е во преговори со англиските новинари.
Според новинарот кој ја сними репортажата, Џафер Аудиа, преговорите траеле 12 часа. Притоа на помош бил повикан и хакер за да ги најде видео снимките од контролните камери, кои беа криптирани од француската полиција.
Пазарот склучен меѓу сопственикот на пицеријата и англиските новинари му дозволиле на англискиот таблоид да има ексклузивни видео снимки. Веднаш потоа хард дискот бил уништен пред нивните очи. Сумата од 50.000 евра била платена во готово.
Минатата недела оваа емисија обелодени дека на англиските новинари им се нуделе видео снимките од полициската антитерористичка акција во Сен Дени. тг/нд/12:17
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници