Четири арапски земји објавија список со лица и организации поврзани со Катар и тероризмот
Саудиска Арабија, Египет, Обединетите Арапски Емирати и Бахреин објавија заедничко коминике со вкупно наброени 59 физички лица и 12 организации, кои, според нив, се стационирани во Катар или финансирани од Катар, и се поврзани со тероризам, пренесе ДПА.
Четирите земји посочуваат дека овој список го изготвиле заради своите ветувања дека ќе се борат со тероризмот и дека ќе ги пресушат изворите на нивното финансирање. На списокот фигурираат духовниот лидер на организацијата „Муслиманско братство“, Јусеф ал Карадави и добротворните фондации „Катар чарити“ и „Еид чарити“.
Меѓу 18-те Катарци, кои се набележени како спонзори на тероризмот, на списокот има бизнисмени, политичари и високо позиционирани членови на владеачката династија, вклучувајќи го и поранешниот министер за внатрешни работи, забележуваат британските медиуми.
Абдел Хаким Белхаџ, поранешен либиски исламистички командант, е меѓу петмината Либијци на списокот. Карадави и салафитскиот проповедник Вагди Гонеим се меѓу 26-та Египѓани. Таму има уште неколку групи од Бахреин, тројца државјани на Кувајт, двајца на Јордан, двајца на Бахреин, еден од ОАЕ, еден од Саудиска Арабија и еден од Јемен.
Египет вчера побара ОН да го истражат огромниот откуп, што Катар и го платил на „терористичката група“, поврзана со Исламска држава, за да ги ослободи членовите на кралското семејство, кои биле заробени во Ирак, јавија француските медиуми.
Ихаб Мустафа, заменикот на постојаниот египетски претставник во светската организација, вчера го обвини Катар дека „на терористичката група, што дејствувала во Ирак, и платила до една милијарда долари за да ги ослободи членовите на кралското семејство, заробени во Ирак, каде тие биле на лов“.
-Ако ова обвинение се покаже како точно тоа ќе биде јасна поддршка за тероризмот, рече тој.
Ново на Сител
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија