Честитка од премиерот Димитриев по повод Велигден
Претседателот на Владата Емил Димитриев денеска по повод Велигден испрати честитка до граѓаните на Република Македонија со христијанска вероисповед, Македонската православна црква - Охридска архиепископија, Католичката црква и Евангелистичко - методистичката црква.
- Со особена радост и задоволство, на овој голем ден, сакам во свое лично име и во име на Владата на Република Македонија, на сите верници со христијанска вероисповед да Ви го честитам најголемиот христијански празник - Велигден. Велигден е од исклучителна важност за христијанството, зашто ова е денот кој им дава надеж на сите верници дека постои пример и водилка во нивните животи, дека сечие тежнеење кон подобро и богоугодно однесување не е бесцелно, туку посакувано и ценето од нашиот Бог, стои во честитката.
Како што наведува Димитриев, Велигден е еден од најзначајните симболи на нашата вера, симбол на воскресението, симбол на победата над смртта, на победата на доброто врз злото, и на победата на доброто човеково поведение.
- Преку воскреснувањето Исус докажал дека е Синот Божји и дека целото негово учење е вистинито. Воскресението пред кое се поклонуваме на Велигден постојано и постојано не потсетува дека има надеж и за човековата душа, дека Бог е со нас и во добро и во лошо, и дека секогаш треба да ги следиме вредностите, додава премиерот.
Порачува во овие убави празнични денови да се помолиме и заблагодариме на таквото соединение со Бога. - Да се поклониме на неговата милост и да продолжиме да ги следиме неговите пораки. Во спокој да ги исполниме црковните храмови и со радост да ја примиме убавата вест од црковните камбани. Да го прославиме заедно Христовото воскресение и да се помолиме Бог да биде со нас и во иднина. Да се помолиме за здравје и среќа во нашите домови, љубов и бериќет во нашите семејства, мир и спокој во нашата земја. Да се помолиме и да работиме за развој на нашата Татковина, подобар стандард за граѓаните и повеќе можности за успех за секој еден поединец, пишува во честитката.
Нека Бог ја зацврсти нашата заедница, нека ни помогне да преземаме мудри чекори и да ги надминеме сите предизвици со кои како држава се соочуваме. Нека Бог не поткрепи и ни донесе нови радости, напредок и само напредок во Република Македонија, наведува премиерот Емил Димитриев.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор