Бугарија ја предложи Ирина Бокова за генерален секретар на ОН
Бугарското Министерство за надворешни работи испрати писмо до ОН со кое официјално ја номинира генералниот директор на Организацијата за образование, наука и култура на ОН (УНЕСКО), Ирина Бокова за нов генерален секретар на Светската организаиција, јави БТА.
Во соопштението на Министерството се наведува дека писмото со кандидатурата го потпишал шефот на бугарската дипломатија Даниел Митов.
- Со нејзината биографија и досегашно искуство Ирина Бокова може да биде една од водечките кандидати во претстојната кампања за генерален секретар на ОН, се наведува во соопштението.
Во понеделникот Словенија ја поднесе кандидатурата на поранешниот словенечки претседател Данило Тирк за генерален секретар на ОН, а на почетокот на месецов Црна Гора за оваа функција го номинираше шефот на црногорската дипломатија и поранешен премиер Игор Лукшиќ.
Македонски кандидат за генерален секретар на ОН е поранешниот министер за надворешни работи и амбасадор Срѓан Керим, додека Хравтска ја предложи доскорешната шефица на хрватската дипломатија Весна Пусиќ.
Како потенцијален кандидати за нов прв човек на ОН неофицијално се споменува и словачкиот министер за надворешни работи Мирослав Лајчак.
Новиот генерален секретар на ОН, согласно процедурата, ќе го избере Советот за безбедност на Светската организација, кој потоа ќе му предложи негово именување на Генералното собрание.
Се верува дека процедурата би можела да биде завршена до на есен. Мандатот на актуелниот генерален секретар Бан Ки-мун истекува на крајот на годината.
Ново на Сител
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати
-
ДИК: Обработени 81,87% од гласовите - Силјановска Давкова 449.481, Пендаровски 202.865
-
ДИК: Обработени 80,05% од гласовите - ВМРО-ДПМНЕ 341.255 - СДСМ 117.076