Бектеши: Турција важен трговски партнер, добредојдени инвестиции во стратешките сектори
Турција е значаен трговски партнер на Македонија и трговската размена бележи раст. Добредојдени се инвестиции во стратешките сектори, истакнал министерот за економија Крешник Бектеши на синоќешната средба со Управниот одбор на Стопанската комора на Македонија - Турција (МАТТО).
Тој, како што денеска соопшти Министерството за економија, посочил дека Турција се наоѓа на 8-то место во трговската размена во периодот јануари-ноември лани и оти вкупните турски инвестиции во Македонија изнесуваат 1,2 милијарди САД долари и претставуваат 35 проценти од вкупните странски инвестиции.
- Посветено се работи на градење стабилна и предвидлива бизнис-клима за да можете вие и вашите компании да креирате деловни развојни планови, но и да влегувате во нови инвестиции без одолговлекување и неизвесност. Поради традиционално добрите трговски односи кои ги имаме со Турција, одличните примери за успешно работење кои ги покажавте со досегашните инвестиции во Македонија, како и економскиот и инвестиционен потенцијал на вашата земја, сакам да напоменам дека посакувани и добредојдени се инвестиции во стратешките сектори, како што се производството на автомобилски компоненти, информатичко-комуникациската технологија, земјоделството и преработката на храна, бизнис-услугите и аутсорсингот, фармацевтската индустрија и медицинските помагала, енргетиката и обновливите извори на енергија, туризамот, градежништвото и инфраструктурата, истакнал Бектеши.
Од страна на МАТТО е нагласено дека ги поддржуваат сите активности на Владата во создавањето на услови за унапредување на економската соработка меѓу Македонија и Турција.
Претседателот на МАТТО, Ајдован Адемоски посочил дека ги поддржуваат сите активности насочени кон ревизија на Договорот за слободна трговија меѓу двете земји во смисла на либерализација на трговијата со земјоделски и прехранбени производи и осовременување на договорот во однос на услугите и инвестициите.
Членовите на Управниот одбор на МАТТО ја искористиле приликата со министерот да разменат информации и за новиот закон за енергетика.
Ново на Сител
-
Две злата за Македонија на јуниорското Светско првенство во кикбокс
-
Организирал игри на среќа преку негова веб страница, уапсен тетовец
-
Охриѓанец ги следел и вознемирувал малолетните ќерки на неговата девојка
-
Скопјанец се самозадоволувал пред малолетнички во парк
-
Неделков: Членовите на СОНК нема да учествуваат на никакви партиски организирани протести
-
Ураганот Шаншан ја погоди источна Јапонија, најмалку шест загинати и стотина повредени
-
Од утре претежно стабилно, температурите повисоки за околу три степени
-
Починал мотоциклист во сообраќајна несреќа кај струмичко