Апокалиптични сцени од земјотресот во Мексико - под рушевини се бараат жртви

Мексико повторно е погодено од силен земјотрес. Бројката на загинати во моментов е повеќе од 200 лица, голем број се исчезнати под рушевините.

Најмалку 226 лица загинале во силниот земјотрес со јачина од 7,1 степени според Рихтер, кој ги погодил централните делови на Мексико, соопштила денес агенцијата за цивилна заштита.

Повеќе од илјада луѓе во паника излегле на улиците кога вчера земјотрес го погодил Мексико, на денот кога пред 32 години илјадници луѓе настрадале во разорното тресење на земјиштето во таа држава.

Спасувачите и натаму трагаат по луѓето затрупани под урнатините, а во Мексико Сити досега биле извлечени 50 до 60 луѓе.