Зврлевски: Со Атанасовски се среќавав само додека беше директор на Агенцијата за разузнавање
Со сослушување на сведоци предложени од одбраната на Владимир Атанасовски денеска во Основниот кривичен суд Скопје продолжи судењето за организаторите на случувањата на 27 април 2017 година.
Прв беше сослушан сведокот Марко Зврлевски, поранешен државен јавен обвинител, кој на прашање на одбраната рече дека ги познава обвинетите.
– Со Владимир Атанасовски се имам сретнато само службено, но точно кога не се сеќавам. Причина за средбата бил службена, додека обвинетиот бил директор на Агенција за финансиско разузнавање. Друга посебна средба, ниту приватна, ниту службена не сум имал, изјави Зврлевски.
Пред сослушувањето на вториот сведок, Судот на барање на одбраната ја исклучи јавноста, бидејќи станува збор за поранешен вработен во УБК.
Случајот се наоѓа во доказна постапка и го води судијата Илија Трпков, а застапник на обвинението е Вилма Русковска.
Следното рочиште е закажано за 18 март.
Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.
Тие се товарат дека сториле кривично дело „терористичко загрозување на уставниот поредок и безбедноста“.
Ново на Сител
-
Почина мотоциклистот по вчерашната несреќа во Ѓорче Петров
-
21-годишник лишен од слобода поради управување возило под дејство на алкохол
-
Почетокот на ГН на Австралија може да биде одложен поради закана од силен дожд
-
Омерагиќ: Во ФФМ затекнав состојба покомплицирана од очекуваното
-
Сабаленка пред финалето со Андреева: Како да играат стара мајка со дете
-
Во Илинден пронајдени човечки коски во шахта
-
АХВ: Вонредни 165 надзори во магацини и ладилници за храна, утврдени недоследности кај 41 оператор
-
Јанц: И реваншот против Македонците ќе биде предизвик